ক্ষয়প্ৰাপ্ত-গায়ত্ৰী কোঁৱৰ

কেতিয়াবা আন্ধাৰবোৰ ভাল লাগে 

হেৰাই যাবৰ মন যায় ,

এই আন্ধাৰৰ মাজত 

এই নিৰ্জন প্ৰহৰৰ আঁৰত ।

ক্ৰমান্বয়ে গলি অহা প্ৰাণৰ এচোৱা 

সাৱটি লৈ সুধিবৰ মন যায় !

শান্তিৰ নে এই বন্ধ কোঠা ?

কিমান যে বিৰক্তিকৰ ,

কিমান যে কোলাহল ,

অথচ নতুন ৰূপত অভ্যস্ত সকলো ।

সকলো ... !

এটি মাথো উশাহ চিৎকাৰ কৰি উঠা

স্পন্দন 'মই জীৱিত' সংজ্ঞাৰ ,

জীৱিত ক্ষয় হ'ব খোজা 

প্ৰাণ নিশাহৰ কবিতা ।

✍️গায়ত্ৰী কোঁৱৰ

জিলা : ডিব্ৰুগড়