মা -ঋতুৰাজ বৰগোহাঁই

তোমাৰ কোলাতে আই

মেলিলো প্ৰথম চকু

কত যে দুখ পাহৰি 

ল'লা তুমি সাৱটি ।

মৌ-মিঠা মাতে 

সুবাস বোৱালা ,

শুৱালা তোমাৰ কোলাতে আই

নিগৰালা তুমি--

'আমাৰে মাইনা শুৱয়ে

বাৰিতে বগৰী ৰুৱয়ে ,

আমাৰে মইনাই বুটলি খাব' ।।

কৰিছিলা স্নেহ মোক

দুগালত চুমা খায় ,

তুমিয়েই মোৰ মৰমৰ আই ।

মৰমৰ আই 

যোনে মোক চাই 

দেখে স্বপ্ন ।

এখোজ দুখোজ কৰি

অ'ত ত'ত পৰি ধৰি

ধৰনীত দিলা ভৰি 

পৰিলেনো কোনে পাই ততালিকে লৰি

তেৱেঁই মোৰ মৰমৰ আই ।

প্ৰতি খোজ প্ৰতি সময়ৰ

তুমিয়েটো মোৰ জীৱন প্ৰেৰণা ,

সময়ৰ অনুপাতে 

তুমি অভিমানী হোৱা

মই অভিলাসী হৈছো

মা তুমি মা হৈ ৰৈ যোৱা ।।

🖋️ঋতুৰাজ বৰগোহাঁই 

ঘৰ : নামদাং গোহাঁই গাঁও (শিৱসাগৰ)