কৃষ্ণচূড়া-অঞ্জুমণি হাজৰিকা

ৰক্তিম আভৰণেৰে  কৃষ্ণচূড়াই 

এৰি দিছে আঁচলখনি

বুকুৱেদি বৈ গৈছে মন্দাকিনী

টলবল কৰি প্ৰেমৰ ঢৌ বোৰে

মনৰ ভাঁজে ভাঁজে মিনা কৰি বাখৰ খাজিছে

তোমাৰ আমাৰ 

ভালপোৱাৰ ।

উজ্জ্বল হাঁহিয়ে ঢাকে

 পাতৰ সেউজীয়া,

তোৰ বুকুতে ফুলে সপোন 

জেতুকাবুলীয়া ,

আশাই মেলে আঁহপাহ 

তোৰ প্ৰাণৰ সখী

ৰাধাচূড়াৰ ছাঁত ৰৈ 

অ' প্ৰিয় কৃষ্ণচূড়া !

বৰষুণে খেলে তোৰ সতে

সূৰুযে মৰম যাচে

আহি প্ৰত্যুষতে ,

জোনে চুমে দেহা

জোনাক বিধৌত ৰাতিত 

সংগোপনে ।

কল্পনা বিলাসী প্ৰেমিকৰ ত‌ই

মৌ ৰহঘৰা

উদ্বেলিত কৰি

বাখৰুৱা কলিজা ।

        ✍️ অঞ্জুমণি হাজৰিকা

              কেন্দুগুৰি , যোৰহাট