অসমৰ অন্তহীন সমস্যা-পৰিস্মৃতা দত্ত

বিশাল বিশ্বৰ অসম এখনি সৰু ৰাজ্য

কিন্তু অসমৰ সমস্যাৰ নপৰিবই যে অন্ত , 

বিভিন্ন জাতি - উপজাতিৰ মিলনক্ষেত্ৰ অসম

কিন্তু ইয়ো যে বিভিন্ন সমস্যাৰে জৰ্জৰিত।

চাৰিওফালে শুনো জীৱশ্ৰেষ্ঠ মানুহে মানুহৰ

ওপৰত কৰা বৰ্বৰ অত্যাচাৰৰ কথা

কেনেকৈ থাকিব অসমৰ গৌৰৱৰ ৰূপ গাথাঁ !

মাজৰাতি নিজানত ধৰ্ষিতা নাৰীৰ বিননি

কেনেকৈ হʼব অসমীয়া নাৰীৰ গৌৰৱৰ কৃতি!!

অসমত সোমাইছে বহুতো বাংলাদেশী

আজি কালি দিনে ৰাতিয়ে 

বোমা ফুটে যেনি-তেনি ; 

অসমৰ মাটিত যʼতে - তʼতে আছে বেদখলকাৰী

আগতকৈ বহুত বাঢ়িল বাইক,চাইকেল,মটৰগাড়ী

অসমত আগতকৈ বাঢ়িল চোৰ - ডকাইট 

বহু ৰাস্তাত এতিয়াও লগোৱা নাই ষ্ট্ৰিট লাইট ।

অসমত আগতকৈ বাঢ়িল প্ৰদূষণ

তথাপি নীৰৱ আজি প্ৰশাসন ।

অসমত বাঢ়িল মহামাৰী , বাঢ়িল কেলেংকাৰী

উগ্ৰপন্থীয়ে পইচা নিয়ে যʼতে-তʼতে মানুহ মাৰি।

অসমত বাঢ়িল বানপানীৰ সমস্যা 

মন্ত্ৰীৰ মুখত নিজ দলৰ যশস্যা

মায়ংৰ বেজে গাই ফুৰে মন্ত্ৰ 

অসমৰ সমস্যাৰ কেতিয়া পৰিব অন্ত ?

শ্ৰী মতী পৰিস্মৃতা দত্ত, শিৱসাগৰ।