অস্ত্ৰোপচাৰ কৰি চাওঁতে ওলাল
দুটি অবৈধ ৰক্তজৱা...
বিশ্বাসৰ তুলাচনী আজি হাততে নৰয় । আপুনি গোলনেমু কাটি থকাৰ সময়ত পাইথাগোৰাছে পৃথিৱীৰ পৰিধি উলিয়াইছিল, আপুনি হৃদয়খন টানি বহল কৰাৰ সময়ত মোৰ অংকত আকাশৰ পৃষ্ঠকালি ওলাইছিল । আপুনি যি বুকুক আকাশৰ লগত তুলনা কৰে, মোৰ গেলি যোৱা মঙহ খাই চিলনীয়ে সেই আকশতে উৰে । মোৰ একো গজ নপৰে আপোনাৰ বাবে কবিতা লিখিবলৈ..
মোৰ কোনো আক্ষেপ নাই আপোনাক ওভতাই আনি জীয়াই তুলিবলৈ, আপুনি মৰক বুলিও শাওঁ দিব নোৱাৰো জীয়াই থাকক বুলিও শুভকামনা জনাব নোৱাৰো । কেৱল বিদ্যুতৰ তাঁৰত বহি মোলৈ চাই নাহাঁহিব ...!!
দুপাখি মেলি ৰাতি দুঃস্বপ্ন হৈ নিদ্ৰাহৰণ নকৰিব, এটি বাদুলি হৈ জীয়াই থাকক
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ