সাগৰখনে কান্দিছে -ভাগ্যশ্ৰী বিনীতা

দিনে দিনে সাগৰখনৰ দুখবোৰ বাঢ়িব ধৰিছে

প্ৰকৃতিয়ে চকুলো টুকিছে . . .

জোন,তৰা,নক্ষত্ৰ

সীমা হীন আনন্দৰ নিৰ্জন নিস্তব্ধতাৰে

জননীৰ বুকুলৈ চাই চকুলো নিগৰাইছে . . .

জাগ্ৰত জনতাই অনুসৰণ কৰি

জননী আইৰ দুহাতৰ শিকলি খুলিবলৈ

আনন্দৰ ঢৌ তুলি বিশ্বাসেৰে চকীখন গতাই দিলে 

আমোল পৰিৰ্বতন বিচাৰি . . .

স্নেহৰ পুত্ৰক ৰজা পাতিলে . . .

সকলোতে মাথোঁ পৰাজয়

মাতৃৰ প্ৰসৱকাৰিনিৰ যন্ত্ৰণাৰ দৰে

সকলোৰে হৃদয়ত জ্বলিছে বিষাদৰ জুই 

মোৰ আইক গতাই দিলে 

টকাৰ লালসাত 

অচিন সদাগৰৰ হাতত . . .

আইৰ ৰ্গভত থকা সম্পদবোৰ 

এপদ এপদকৈ বিক্ৰী কৰিলে সিহঁতে . . .

সাগৰৰ তলিৰ

জিলমিলাই থকা

মনি মুকুটাবোৰ বিচাৰি চলাথ কৰিছে সিহঁতে . . .

দিনে দিনে সাগৰখনৰ দুখবোৰ বাঢ়িব ধৰিছে ।।