এজাক বৰষুণৰ কবিতা- ভাগ্যশ্ৰী বিনীতা

"দূপৰবেলা 

অন্ধকাছন্ন আকাশত

মেঘৰ গুম গুমনি . . .

ক্ষন্তেকতে এজাক ধুমুহাৰ আগমন

মইয়ো বিচনাতে 

চিলমিল টোপনিত বাগৰ সলালো . . .

হঠাৎ সাৰ পাই 

খিৰিকীখন খুলি দেখো

কিনকিনিয়া বৰষুণ জাকত

এজাক চৰাইৰ কোলাহল . . .

মইয়ো তাকে দেখি 

একে ঠিৰে চাই ৰ'লো. . .

বৰষুণৰ টোপালবোৰ স্পৰ্শ কৰি

নিজকে মৌন হৈ ভাবিলো . . .

সেউজীয়াৰ মাজত 

মইয়ো কিজানি বিলীন হলোঁ

বতাহ, বৰষুণ, মেঘৰ গাজনিৰ স্পৰ্শত . . .

মোৰ অভিলাষী মনৰ মাজত

বিচাৰি পালোঁ . . .

জীৱনৰ সেউজীয়া আভা . .  

 

এইয়া সন্ধিয়া অহা

এজাক বৰষুণৰ কবিতা ।।

           

              ✍️ভাগ্যশ্ৰী বিনীতা