আঁচলতে এই বৰষুণ জাক মোৰ খুবেই প্ৰিয় ।
ফাগুনে কবিতা লিখিব শিকোৱাৰ দৰে
আজি বৰষুণ জাকে হৃদয়ৰ ছবি আঁকিব শিকালে ।
সময়ে সুঁতি সলাই বাৰিষাৰ প্ৰথম জাক বৰষুণ
ধৰালৈ নামিলে
এনে লাগে যেন এজাক ভালপোৱা
আকাশেদি সৰে ।
এজাক বৰষুণ আৰু এটি ৰোমান্তিক গান ,
অনুভৱৰ বাকৰিত
শব্দৰ বা লাগি
থমকি ৰয় উতনুৱা মন।
বৰষুণ ..!
মোৰ বাবে যেন এটি মিঠা সপোন।
মোৰ অশান্ত মনটোৱেও প্ৰশান্তি বুটলে ,
যেতিয়া এজাক বৰষুণে
আকাশৰ নিৰৱতাৰ আভৰণ লৈ কবিতা লিখে ।
নীলিম আকাশৰ বক্ষত যেতিয়া
শুকুলা ডাৱৰে শুভ্ৰ দলিছা পাৰে ,
হয়তু এজাক বৰষুণে
ভালপোৱাৰ আশ্ৰয় বিছাৰে ।
এজাক বৰষুণেই হয়তু
সোঁৱৰণীৰ বাট ভেদি
প্ৰাপ্তিৰ মাজৰ অপাপ্তিবোৰ
বিছাৰ কৰিব পাৰে ।।
✍️শিৱানী বৰুৱা
ফোন :- ৬০০১৫২২৯৮৫
কাকজান মহাবিদ্যালয়
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ