"সংগ্ৰাম" এখন ছাঁই হোৱা ছবি••কুকী মহন্ত

সেই পুৰণি বিষটো 

আকৌ শিপাবলৈ ধৰিছে।

সৌ তাহানিতে বেৰৰ ফাঁকত থোৱা 

ঔষধপালি খাই দমাই থোৱা বিষ যে ।

পিতায়ে দিনটো খাপি আজিও 

খুদকণ এটা গোটাব নোৱাৰিলে,

আইয়ে পিতাইৰ খালি হাতলৈ চাই

চকুলো টুকি পালেঙখনত পৰিলগৈ ।

ভাইটো স্কুললৈ নোযোৱা হ'ল,

যাবনো কেনেকৈ 

তাৰ সেই কামিজটোত পৰা 

এঘাৰ নম্বৰ চিলাইটোও যে 

সুলকি পৰিলে।

পিতায়ে আগৰ দৰে কাম কৰিব নোৱাৰা হ'ল যে,

আমি দেখা সপোনবোৰো হেৰাই গ'ল।

আইৰ চকুযোৰো সকলো সময়তে

তিতি থকাই হ'ল ।

    ✍️কুকী মহন্ত 

            মৰাণ