কানাই চোৰৰ
কাম-বন নাই,
ঘূৰিকে ফুৰে
অনাই-বনাই।
২/
ননী আজি
নাই ঘৰত,
কণী খাই
মাৰিছে কৰত।
৩/
বেঁকীৰ পাৰত
ফুতি ঢেঁকী,
চাহ খাইছোঁ
বাটিত ছেকি।
৪/
বাটৰ কাষত
শাৰীকৈ পাতি,
ৰাতি জ্বলাও
মাটিৰ বাতি ।
৫/
পৰী আমাৰ
বৰ অপৰিপাটি,
য'তে-ত'তে এৰে
চেণ্ডেল-ছাতি
৬/
ক'লীয়াই পাৰি
আম দলিয়ায়,
খাইছে আৰামত
ছুৰীৰে চকলিয়াই ।
৭/
জুৰিয়ে কৰি
ছুৰী চুৰি,
পিঁয়াজ কাটি
খাইছে মুড়ি।
৮/
ইফাল সিফাল
ঢেঁকীশাল চোতাল,
পাকঘৰত আছে
কামযে এগাল।
৯/
চাহ কাপ
কৰি পাণ,
জানে পাৰে
এমুঠি পান।
১০/
বোন্দাই ধৰি
নিগনি একুৰি,
গুচাব দিছে
চকুৰ ফেচকুৰি।
১১/
আদা বেপাৰীক
জাহাজৰ খবৰ,
দিবলৈ নকৰ
অলপো খৰধৰ।
১২/
খুলি দুৱাৰৰ
দুডাল খিলি,
ঘৰৰ বাহিৰ
ওলাল মিলি।
১৩/
মেঘৰ বৰণ
হ'লে শুকুলা,
শৰৎ আহিল
বুজিবি বুলা।
১৪/
এবেগেতীয়া আহি
বৰকৈ বেগেৰে,
বাটতে পৰিল
মালৰ বেগেৰে।
১৫/
গোলোকৰ পেণ্ট
থোলোক-ঢোলোক,
তাতো লাগি আহে
বাটৰ চিনা-জোক।
১৬/
চিনা-জনা নহয়
চীন দেশৰো নহয়,
তেও চিনা-জোকক
কিয় সি বুলি কয়?
১৭/
চকীতে বহি
ৰচকী পখিলাই,
ফুলবোৰ দিলে
সবকে বিলাই।
১৮/
ত্ৰিচিৰ পৰা
আনি তিচি,
ঋষিয়ে দিলে
ভেটিৰ সিঁচি।
১৯/
ৰজাই বিচাৰি
হাঁহৰ কুহুম,
চাংমাইক দিলে
কাঢ়া হুকুম।
২০/
চাহৰে বুট
চোবাই কুসুমৰ,
বিষ উঠিল
দুয়োটা কুমৰ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ