হাঁহিতে মৰহি গৈছে-সাজিদুৰ ইছলাম

এপাহি গোলাপে মোলৈ চাই হাঁহিছে

মোলৈ তোমাৰ অনুভূতিৰ কথা সোৱৰিছে,

 হাঁহিটোৱে মোকো হাঁহিবলৈ প্ৰেৰণা দিছে

গোপন অভিসাৰটোক অনুভূতিয়ে আৱৰিছে।

কিন্তু,

  এয়া কিহৰ হাঁহি নো ?

সুখৰ ছাঁয়ে আৱৰি ৰখা মৰমৰ হাঁহি ,

নে বিষাদৰ ছাঁয়ে আৱৰি ৰখা  ইতিকিঙৰ হাঁহি ?

 চাগে এয়া অভিমানৰ হাঁহি   

এয়া নিশ্চয় তাইৰ অভিমানী হাঁহি,

চাগে তাইয়ো হাঁহিছে মোৰ পৰিস্থিতিক লৈ

   তাই ও হাঁহিছে নিজৰ অসমৰ্থতাক লৈ

চাগে সোণালী অতীতক তাইয়ো সোৱৰিছে,

তাইয়ো নিৰাশ হৈছে , 

 মৰমসনা কিছু অনুভূতিৰ পৰশ সানি 

তাইক যে তোমাৰ দুহাতত তুলি দিব পৰা নাই ,

তাইয়ো চাগে সেইবাবে হাঁহিছে

তাইৰ নিৰাশা আৰু মোৰ 

আধৰুৱা সপোনবোৰক লৈ তাই হাঁহিছে, 

আৰু সেই হাঁহিতেই মৰহি গৈছে তাই 

আৰু মই .........?

            মই জানো জীয়াই আছোঁ .....।