এটি কবিতাৰ উপ কাহিনী ••যদুমণি গগৈ

সন্ধিয়া নামিছে

সৰগৰ পৰা নিয়ঁৰ টোপাল সৰিছে 

সজাল ধৰা সেউজীয়া বোৰত এটি-দুটি

মুকুতা হৈ জিলিকিছে 

মনত পৰিলেই ফো'নত মাতষাৰ শুনিবলৈ

মনে তীব্ৰ সন্ত্ৰাস চলায়- -

ৰ'বই নোৱাৰি -------

সংযোগ - - - -

খুব সুন্দৰ সোণ- সেৰনীয়া গীতৰ কলি বাজি উঠিল

ফো'ন কল টো সংগ্ৰহ হ'ল 

হে -- ল্লো , হেল্লো , ---- হে ল্লো 

একো মাতিব নোৱাৰিলো

এক অবুজ আনন্দত মতলীয়া 

তিনিটা শব্দ ই

তিনিটা কবিতা

প্ৰথম টো মৰম উপচি বাগৰিল

দ্বিতীয় টোৰে চুম্বনৰ আক পৰিল দুগালত 

তৃতীয় টোৰে কোলাত উঠি বুকুত হেঁচি ধৰিলে ।

      ✍️যদুমণি গগৈ 

গেলেকী (শিৱসাগৰ) ।