ধুনীয়া সেউজীয়া ধাননিডৰাৰ ,
দৃশ্যই মন - প্ৰাণ
উৎফুল্লিত কৰি তুলিছে ,
চৰাই - চিৰিকটিৰ মাতত
প্ৰকৃতিৰ সৌন্দৰ্য্য আৰু
দুগুণে বৃদ্ধি পাব ধৰিছে ,
সেউজীয়া পৃথিৱীৰ
সেউজীয়াৰ মাজত
সেউজ ধাননিডৰা ,
সেউজীয়া ধাননিডৰাৰ
আলিতে মনে মনে গৈ
পিতায়ে পাতিছে চেপা ,
গধূলি বেলিকা আইৰ জোহালত
মাছৰ জুতিৰ মজা ,
ৰোৱনী , দাৱনী কৃষকসমাজৰ
কষ্টৰ ফল মিঠা
চাৰিওদিশে সোণোৱালী শস্যৰ
কি যে মনোৰম এক দৃশ্যৰ শোভা ।।।।
🖊️ লখিমী শৰ্মা
যোৰহাট
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ