আজি চোন বহু দিনেই হ'ল,
স্মৃতিৰ পাতৰ সোণালী দিনবোৰ
তাতেই চোন থমকি ৰ'ল !
কলমৰ চিয়াঁহীও শুকাই যায় আজি
আঙুলিৰ পৰশ বিচাৰি,
মিছা প্ৰেমৰ জীয়া চিৎকাৰ
কেনেকৈ যাওঁ পাহৰি !
নৈখনে আজি উজাই নাযায় বৈ
নুশুনে ব্যৰ্থতাৰ কাহিনী,
নহয় সাক্ষী মিছা প্ৰেমৰ
কেনেকৈ দিওঁ বুজনি !
আজিও চিঞৰে উদাসী হৃদয়ে
বেদনাবোৰ বুকুত লৈ,
সকলো দেখিও সকলো শুনিও
কলং নৈ আজিও বয় ।
✍🏻 শান্তনু হাজৰিকা
বিশ্বনাথ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ