দুৰ্জেয় বীৰ- মাৰ্জিনা বেগম

হে পৰম শ্ৰদ্ধাৰ শিক্ষা গুৰু 

আলোক পথৰ অভিযাত্ৰী!

আন্ধাৰ মাৰ্গত আগুৱাইছো আমি 

তোমাৰ নিৰ্দেশিকা অনুসৰণ কৰি ।

জীৱনৰ আদিপাঠ মেলাৰ পৰা 

জ্ঞানৰ আম্বেষণত আজিও, 

লৈছোঁ আশ্ৰয় তোমাৰ ছত্ৰছায়াত 

বিলাই দিয়া তুমি জ্ঞানৰ অমৃত বাণী।

জাতিৰ বাবে কল্যাণকৰ 

আদৰ্শবান শিক্ষক তুমি ,

মহান নৈতিকতাৰ ৰক্ষাৰ্থে  

ভাগৰুৱা পন্থাত জাগ্ৰত প্ৰহৰী।

ব্যস্ততাৰ পোছাকত জিলিকে 

তোমাৰ ধৃতিৰ হিৰণ্ময় আভা,

 আনৰ বাবে উছৰ্গিত হৈ তুমি 

 জ্ঞান-বিজ্ঞানত কৰিলা সাধনা।

পৰিৱৰ্তিত শিক্ষাৰ পথাৰত 

কতনা বলি হ'লা তুমি বৈষম্যৰ ,

তথাপি দিয়া নিতৌ নতুন শিক্ষা 

এয়ে পৰিচয় কঠোৰ কৰ্তব্য নিষ্ঠাৰ ।

সমৃদ্ধিশালী সমাজ গঢ়াৰ 

সপোন এটি মোনাত বান্ধি ,

 ইমূৰৰ পৰা সিমূৰলৈ ঘূৰি ফুৰা

হে মহান গুৰু তুমি দুৰ্জেয় বীৰ।।