হেল্লো পয়েট্ৰি••জহিৰুল ইছলাম

হে'ৰা কবিতা। 

চন্দ্ৰমা বিজয় উল্লাস উদযাপনৰ ৰাতি 

হাঁহিও হাঁহিবলৈ পাহৰি যোৱা এন্ধাৰটো 

এটা উদাহৰণ মাত্ৰ।

গাঁৱৰ নদীৰে নামি আহিছিল পাৰ ভাঙা 

চকুলোৰ এক নীৰৱ ক্ষণ। 

মঙ্গল গ্ৰহত চুবুৰী পতাৰ কুচকাৱাজৰ 

সময়তো বুল্ডোজাৰৰ শব্দ

এইবাৰ বাছনি প্ৰকৃয়াত  

উপহাৰ দিয়া হৈছে হৃদৰোগ। 

বৃহস্পতি গ্ৰহত যেতিয়া 

গমন কৰিব মানৱ সভ্যতা। 

মানুহৰ দাঁত নৰখাদকৰ দৰে 

ভয়ভীত হৈ বিচাৰি আনিব কিজানি 

ডাইনাচৰৰ  পুনৰ যুগ। 

ৰৈ থকা পথটোৰ দাঁতিত আজিও 

অস্তিত্বহীন মূল্যহীন পদপৃষ্ঠ নৈ পৰীয়া 

কলৈ যায়?