আপোন মোৰ যেন বন বননি ,
বিৰহৰ গীত জুৰি এই বনত
ফুৰিছো অনাই বনাই ঘূৰি
উৰিছো মই ডেউকা কোবাই ------ ।
হাবিৰ সেউজী গছ-লতিকা
জীয়া জীৱনৰ ঠিকনা
ইয়াতে আপোন সুৰ বিচাৰি
হৈছো মাথোঁ আত্মাহাৰা
হেঁপাহৰ আছুতীয়া ৰং-বোলাই।
মানুহৰ মাজতো আছোঁ মই
সুখৰ সংজ্ঞা বিচাৰি,
মানুহ মোৰ যেন অতি আপোন
স্মৃতি যেন ৰোমন্থন কৰি
বনৰ মাজতে আছোঁ ।
দেখি শুনি গোন্ধ লোৱা
বনৰ বনৰীয়া চৰাই হৈ মই
নানান পুষ্প পাৰিজাত
যেন এইখনি স্বৰ্গৰ নন্দন কানন
বিৰহত জুৰিছোঁ সুৰৰ মূৰ্চনা ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ