চাহ বাগিচাত কৰ্মৰত স্থায়ী আৰু অস্থায়ী শ্ৰমিকসকলে পূজা বুলি বোনাছৰ কিছু অংশ ধনেৰে সমাপন কৰিব পূজাৰ আনন্দ৷ তেওঁলোকৰ বোনাছৰ ধনৰ কোনো আয় ব্যয়ৰ সঞ্চয়ৰ কথা চিন্তা নাই। মুঠতে বছৰৰ দুৰ্গা পূজাত সন্তানৰ বাবে ওচৰৰ সাপ্তাহিক বজাৰত কাপোৰ, মুখত ঘঁহা লাগতীয়াল সামগ্ৰী, ঘৰৰ বাবে খাদ্য ক্ৰয় কৰা আদি কৰ্মতেই পূজাৰ পূৰ্বে বোনাছৰ কিছু ধন শেষ হয় শ্ৰমিকসকলৰ৷ পূজা যিমানে ওচৰ চাপি আহে তেওঁলোকে দুখ বেদনা, কষ্ট সকলো পাহৰি আনন্দত মতলীয়া হৈ পৰে। পূজাত কোনে কোন ঠাইলৈ ফুৰিবলৈ যাব তাৰে পৰিকল্পনালৈয়ো তেওঁলোকৰ মাজত চৰ্চা। পূজাৰ আনন্দই ক্ষন্তেকৰ বাবে জীৱনৰ দুখ-কষ্ট পাহৰাই পেলায়৷ নাই কোনো আক্ষেপ,নাই কোনো অভিযোগ৷ পূজা মেলাৰ পৰা আবেলি ঘৰলৈ ঘূৰি আহোতে দুহাতত লৈ অহা 'সাপ বেলুন' বা ডাঙৰ ৰং-চঙীয়া বেলুনবোৰৰ মাজতেই কেন্দ্ৰীভূত হয় সকলো হেঁপাহ। সেই অনুভৱবোৰ আজি প্ৰজন্মই হয়তো ৰোমন্থন কৰিব নোৱাৰিব। পূজাৰ বেলুন তেওঁলোকৰ বাবে এতিয়া অলাগতিয়াল বস্তু। যিসকলে পূজাৰ সেই পুৰণি দিনৰ স্মৃতি মনত লৈ ফুৰিছে। ফুলাই দিয়া বেলুনটোৰ পৰা ওলোৱা গোন্ধ, পূজাৰ সময়খিনিৰ শেৱালীৰ সুগন্ধতকৈ কম নহয়।
শৰতৰ প্ৰতিটো পুৱা তলসৰা শেৱালিয়ে হৃদয়ত জগাই তোলে আনন্দৰ জোঁৱাৰ। পুৱা উঠিয়েই এই শুভ্ৰ দলিচাৰ দৰে সিঁচৰতি হৈ থকা শেৱালি ফুল বুটলাৰ আমেজেই সুকীয়া। শেৱালি ফুলৰ গোন্ধই সকলোৰে মনৰ কলুষতা আঁতৰাই এক নিকা।
✍️লক্ষীৰাম কুৰ্মি
শাওতলী, গোলাঘাট
৬০০০৫১২৫৪৫
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ