আজিচোন মেঘে গৰজিছে ।
কিজানিবা বৰষুণজাক নিগৰিব ধৰাপৃষ্টত আজি ,
তাকে দেখি মন মোৰ উচুপিব ধৰিছে ।
এয়া যেন কি হ'ব ধৰিছে ,
ৰ'বাচোন ৰ'বা বৰষুণৰ টোপালৰ সমভাগী হওঁ মইয়ো আজি ।
বহু অপেক্ষাকৃত হৈ আছিলো বৰষুণজাকলৈ ,
টোপালবোৰৰ সৈতে একাকাৰ হবলৈ ।
আৰু মনৰ সমস্ত বিষাদৰ লগতে দুচকুৰে নিগৰা অশ্ৰু ,
বৰষুণৰ টোপালৰ সৈতে মিলাই দিবলৈ ।
মৌনতাৰে সকলো ভাৱ প্ৰকাশ কৰিবলৈ,
যাতে এই বিষাদৰ কথা লোক অজ্ঞাত হয় ।
✍️জেৰিফা ওৱাহিদা ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ