ঋতুৰাণী শৰতৰ আগমন ।
আহিনৰ কোমল কুঁৱলী আদৰি
উদয়াচলৰ সূৰুযে
ৰক্ত ৰশ্মিৰে বিধৌত হৈ
আদৰিছে মা-দুৰ্গাক মৰতলৈ ।
শেৱালিৰ সুবাস আৰু কহুৱাৰ
আচ্ছাদন কাতি কৰি থৈ
আহিছে শিৱানী মহামায়া দেৱী।
এই বেলি পূজা মণ্ডপত
বাজিছে ঢাক-ঢোল ৰজনজননাই
মহামিলনৰ সমাহাৰ দিছে ছটিয়াই ।
তুমিয়েই শক্তি অধিষ্ঠাত্ৰী দেৱী
তুমিয়েই আসুৰিক শক্তি নাশিনী ।
ভক্তৰ সিদ্ধিদাত্ৰী মা দেৱী গোসানী
ত্ৰিগুণাত্মিক সৰ্বশক্তি ৰূপিনী তুমি ।
সেয়েহে দশভূজা মাতৃ তোমাৰ চৰণত
জনাওঁ শতকৌটি ভকতি
আতঁৰাই নিয়া তুমি দুখ-দুৰ্গতি।
✍️নিজৰা বৰ্মন ডেকা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ