শেৱালী••যদুমণি গগৈ

আলসুৱা আহিনত

 কিয় ফুলিছ নিয়ঁৰত তিতি,

 শুভ্ৰ শেৱালি পাহি

তোৰ কুহুমবুলীয়া ঠাৰি ! 

তই ধুনীয়া , 

নামটোও ধুনীয়া, 

ৰাতি ফুলি সুগন্ধি বিলাৱ ।

তোৰ সুবাসত  মতলীয়া

শৰতৰ প্ৰতি সন্ধিয়া, 

শেষ ৰাতি সৰিপৰা নিয়ৰে দিয়ে

চেঁচা চেঁচা এটি অনুভৱ ! 

দুবৰিত প্ৰতি পুৱাই 

নিয়ৰসিক্ত শুভ্ৰ দলিচা , 

ৰহন চৰে অপৰূপা ! 

কোন নো উন্মুক্ত ঋষিৰ শাপত

তই বঞ্চিত মধুৰ আলিঙ্গনৰ  , 

পখিলা, মৌ-মাখি, ভোমোৰাৰ ! 

ফুলশয্যা ৰাতি

দুবৰি কোঁৱৰ নিয়ৰে

 হেঁপাহ পলুৱাই চায় ! 

কুহুমবুলীয়া ঠাৰি বুকুত সাৱটি---  ।।

     

               📌যদুমণি গগৈ

                গেলেকী (শিৱসাগৰ)