স্মৃতি চলাথ কৰি ,
সুধাকণ্ঠৰ সমাধিলৈ গ'লো ।
ভৰিৰ জোতা মোজা,
চৌহদৰ বাহিৰত থৈ ,
হেঁপাহেৰে মৃন্ময় মূৰ্ত্তি চালো ।
সমাধিৰ দশোদিশৰ
আকাশে বতাহে শুনো
সুধাৰ যুগমীয়া গান ।
অতি স্নেহ শ্ৰদ্ধাৰে
লিখিছিলো কবিতা
চৰণত জনাই প্ৰণাম ।
সেইদিনা আছিল
২০১৮ চনৰ ,
তাৰিখ ৩১ অক্টোবৰ ,
"শয়ন শয্যাত ভূপেন দা"
অনুপম সৃষ্টি হেনো
অভাজনৰ এই কলমৰ ।
সেই কবিতাৰ সোমৰস ,
পাণ কৰিলে অসমৰ
নমস্য মহা মহামতিয়ে।
কাব্য সাধনাৰ বলতে
বন্ধু হ'ল বিপিন চাউদাঙ ।
স্বদেশ স্বাভিমানৰ জৰী বতি ,
অসমৰ অসমকণ্ঠ
মহেন্দ্ৰ হাজৰিকা
দেৱেও পঢ়িলে ছন্দৰ শাৰী ।
লুইত কুঁৱৰী অনিমা
বাইদেউৱে দিলে আশিষ
তুমি হোৱা অক্লান্ত প্ৰহৰী ।।
প্ৰতিদিন সংবাদ গোষ্ঠীৰ
নিতুমনি জ্যেষ্ঠ প্ৰতিমে
শুভাশিষ দিলে পঠিয়াই ।
কাব্য সাধনাৰ এই
দুৰ্বাৰ হেঁপাহৰ চেতনাৰ
বিবেকক দিলে জগাই ।।
ৰেনেছা শিল্পী নাৰী
তৰালী শৰ্ম্মা ডাঙৰীয়ানীয়ে
পঢ়িলে শব্দৰ গাঁথা ।
মনৰ যোগাত্মক বলেৰে
মহা মহিমৰ সম্বন্ধত
বোলাই আছো সৃষ্টিৰ আঠা ।
নন্দন প্ৰতিম শৰ্ম্মা,
ৰঞ্জু হাজৰিকা দেৱৰো ,
দৃষ্টিত পৰিল লেখা ।
হৃদয়ৰ নিভৃত কোণৰ ,
পৰা যাঁচিলে প্ৰেৰণা,
বিশ্বনাথ হওক
কাব্য গীতৰ শিখা ।
📌বসন্ত ওজা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ