নীলা খামৰ চিঠি সাজিছো;
সোণবৰঙীয়া শব্দৰ মালা গাঠিছো
অনুভৱৰ দলিছা পাৰিছো।
কম কম বুলি ভাবিও ক'ব নোৱাৰো
গোপন মনৰ গোপন কথাটি;
আকৌ এবাৰ ভাল পাই পেলাইছো
উৰিব ধৰা অচিন পক্ষীজনীক।
ভালপোৱা ভাললগা অনুভৱ বোৰ
ফেচবুক,ৱাইটচপ ষ্টেটাচ দিওঁ
তোমাৰ নামৰ মিঠা অনুভৱবোৰ
শব্দমালাৰে প্ৰকাশ কৰিব খোজো;
কি দৰে ভালপাই পেলাইছো
তোমাক এবাৰো বুজাব নোৱাৰো ।
মাজনিশা উৰিচিঙা বিননীত
উজাগৰে নিশা সাৰে থাকো
তোমাৰ কথাকে ভাবি ভাবি;
শিতানৰ গাৰুটিত মূৰ গুজু
উৰে নিশা সপোন ৰচোঁ।
তুমি নজনাকৈয়ে চাগে মই
আকৌ এবাৰ প্ৰেমত পৰিছো।
🕳️লহৰজ্যোতি মৰাণ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ