কেলৈ ইমান চিৰসেউজ ।
কিয় তোৰ চিৰসেউজ তাই,
কৰি তুলেহি এই ধৰাক ,
এক বিশেষ শুৱনি।
নিল আকাশৰ তলত পাৰি থোৱা যেন এখন আইৰ ,
সেউজীয়া চাদৰ তই ।
এই চাদৰৰ আচলত যেন
লুকাই থাকে মানুহৰ,
জীৱন বৃত্তান্তৰ পৰিধি।
যি পৰিধিয়ে পৰিচয় দিয়েহি,
গাৰ ঘাম মাটিত পেলাই কৰা,
সেই কৃষকৰ পৰিশ্ৰমৰ,
সাৰ্থকতাৰ প্ৰতিচ্ছবি ।
হয়তো সেয়েহে আহিনৰ পথাৰ , তই দিয়া চিৰসেউজখিনিয়ে কৰি
তুলেহি এক বুজাব নোৱাৰা,
বিশেষ আশাৰ ৰেঙণি।
যি ৰেঙণিয়ে বাৰে বাৰে
কয়হি সেউজীয়াৰে ভৰা তই,
আহিনৰ পথাৰ,
দেখিবলৈ সঁচাকৈয়ে বৰ শুৱনি বৰ শুৱনি ।।
◾জোনমণি ৰয়
তিত্কা তাজে
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ