সমৰক্ষেত্ৰ-পৰিস্মিতা বৰা

মই হেৰাই গৈছোঁ

শীতৰ পাকখোৱা শীতল কোঠালীত 

ঠেকা সৰকা খাইছোঁ

সিঁচৰতি হৈ পৰি থকা সন্ধ্যাৰাগৰ মধুৰাগিনীত।

মই সোমাই গৈছোঁ 

আঘাটৰ বিষেৰে চুমা খোৱা শেষ জুপুৰিটোত

চেঁচা এটা বলয়ত নিজকে বিচাৰি ফুৰিছোঁ 

চিফুঙৰ সুৰৰ মাতাল ৰাগিত।

মই সচাঁকৈয়ে হেৰাই গৈছোঁ.....

উস্‌ উশাহত প্ৰতিবাদ

নিশাহত  প্ৰত্যাহ্বান

বাৰে বাৰে অনুকম্পিত হৈছে 

বিদ্ৰোহৰ ধ্বনিতো মৰাশ দৰে পৰি থকা একুৱা জুই 

যি জুই আজিও স্বাধীন

যি জুই আজিও স্বস্তিক......

যাৰ উষ্মত

আজিও চলি আছে 

প্ৰতীক্ষাৰ বৈছাত এখনি শীতল যুদ্ধ।