আৱেগৰ পৰিধি•নয়না নাথ

শূণ্যতাত হেৰাই যায় ,

এই শুকান চহৰ

য'ত চকুপানীবোৰ নাটক হয় ।

সেই মানুহজন হয় অভিনেতা

যাৰ চকুৰ পানীবোৰ এটা সময়ত

নোহোৱা হ'বলৈ ধৰে 

আৱেগহীনতাৰ সাগৰত।

নাই .............…....,

আপুনি ভবাৰ দৰে 

পুতৌ নিবিচাৰে তেওঁ ,

মাথো এখন অনুভৱী হাতৰ 

সন্ধানৰত তেওঁ ।

দুটি সবল দুবাহুৰ প্ৰয়োজন তেওঁক 

য'ত আৱেগবোৰ ৰক্ষিত হয়

স্নেহালয়ৰ মাজত ।

কিন্তু................,

পৰিণামতটো একোৱেই নাপায় ,

নাপায় কাৰো সঁহাৰি কিম্বা

আৱেগক পৰিধি দিব পৰা আৱেগ।