যজ্ঞৰ ঘোঁৰাটো-চাদ্দাম হুছেইন

দূৰৈৰ পাহাৰ

দূৰণিৰ পৰা বৈ অহা এখনি নদী

তাৰ পাৰত অজস্ৰ নল-খাগৰি

মই এতিয়াও চকু মেলিব পৰা নাই

ইমান প্ৰকোপ জুইৰ

কাঁইটীয়া বনত তাণ্ডৱ যেন মহাদেৱৰ।

অশ্বমেধ যজ্ঞৰ ঘোঁৰাটোক

এইমাত্ৰ বলি দিয়া হʼল

ৰজা, প্ৰজা সকলো এতিয়া শুই আছে ।

জুই,পানী ভেদি এখোজ আগবাঢ়োতেই

ভৰি এখন ভাঙি দিলে অসন্তুষ্ট প্ৰতাপী 

এতিয়া ফাঁচীকাঠৰ উলম্ব প্ৰতিনিধি।

মোৰ অনুৰোধ —

মোক জীয়াই থাকিবলৈ দিয়া

মোক নিঃশেষ নকৰিবা

মোক এই জগত এবাৰ চাব দিয়া

মোক…!