শৰতৰ দীঘল নিশাবোৰ,
মেঘৰ চুলিত এতিয়া
ফৰকাল আকাশৰ জোন।
কুঁৱলীসনা শৰতৰ গানবোৰ
বতাহত বাজি আছে গুণগুণকৈ,
গানবোৰে বুকুত বিন্ধিছে।
এইয়া শৰৎ নে তুমি?
পদূলিত এইয়া তোমাৰ চুলিৰ
শেৱালি-বকুলৰ গোন্ধ।
ৰাতিবোৰ যেতিয়া আহিব
চুলিবোৰ বান্ধি থ'বা ভালকৈ,
শৰতৰ গানবোৰ
বতাহতে এৰি দিবা আলফুলে,
বাজি উঠিব দিবা
বুকুৰ ভিতৰে বাহিৰে।
✍️দৰ্শনা দাস
মাজুলী
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ