মা তুমি অনন্য -দৃলীনা দাস

মাতৃ দিৱস বুলি মই ভাবো বিশেষ দিন নালাগে । প্ৰতিটো দিনেই মাতৃ দিৱস । গৰ্ভ ধাৰন কৰাৰ পৰা মৃত্যু পৰ্যন্ত যিয়ে আমাক নোকোয়াকৈ মনৰ সকলো দুখ ভাগৰ সুখ হাঁহি অনুভৱ কৰিব পাৰে । লাগে জানো তাৰ বাবেই বিশেষ দিন । মই নভাবো যে মাক উদযাপন কৰিব লাগে । মা এক অনুভৱ । এক সৰগীয় সুখ। মা এক আকাশ স্নিগ্ধ জোনাক। সকলো সময়তে আদৰৰ চেনেহৰ হয়। মাক ভাল পাবলৈ কাৰণ নালাগে লাগে মাথোঁ সময় অনুভূতি । মা যিদৰে আমাৰ জন্মৰ সময়ত আমাৰ সাৰথি হৈ ঠিক তেনেদৰে বৃদ্ধ কালত আমি হব লাগে তেওঁলোকৰ সাৰথি। কিন্তু বৰ্তমান সময়ত দেখা হৈছে মা ৰ প্ৰতি অনিহা । নিজ পুত্ৰ বোৱাৰীয়েই কৰে অনাদৰ। নিজেও টো এদিন মাতৃ হব কিয় বুজি নাপায় হেই অনুভৱ কন। 

        মা এজনী মুকলি খোলা দুৱাৰ । যিয়ে নিজৰ আত্ম জাকক উলিয়াই পঠাই আনৰ ঘৰলৈ আৰু আদৰি লয় আনৰ জীক নিজৰ পোলৈ। কিন্তু হেই জী বা পোয়ে বুজি নাপায় মাৰ অনুভূতি কোন। মা এটা সদায় শুনি ভাল পোৱা সুৰীয়া সংগীত। কিমান কষ্ট ত্যাগ কৰি সন্তান এটা জনম দিয়া হয় । মৃত্যু মুখৰ পৰা উভতি অহাৰ পিছতো সেই সন্তানে বুজি নাপাই মাৰ অনুভূতি কন। মাৰ চাদৰৰ আঁচলত অঁকা থাকে হালধি তেলচিকতিৰ দাগ আৰু থাকে আধা পকা আধা কেঁচা চুলিৰ খোপাত আবেলিৰ সুভাষ।

       সকলোৰে মা বিদেশ ফুৰিবলৈ নাপাই, নাজানে ইংৰাজী তথাপিও মা মোৰ চেনেহৰ সুগভীৰ সাগৰ । যাৰ কোলাত মোৰ থয় ৰপাহৰিব পাৰি জীৱন যুঁজৰ সমস্ত ভাগৰ । সেই জনিয়েই আই যাৰ দেশ ভাষা জাতি ভিন্ন হলেও অভিন্ন আইৰ চিৰন্তন সংজ্ঞা। আইৰ কোনো নিজা দুখ ভাগৰ নাইবা নোপোৱাৰ বেদনা । আই ধৈৰ্য সাহস সহ্য তাগ্য আৰু মমতাৰ জীৱন্ত প্ৰতিমা । 

       সময় থাকোঁতে মাৰ প্ৰতি শ্ৰদ্ধা ভক্তি কৰিবলৈ শিকিলে সৰগত স্থান পাবা । মাক বৃদ্ধাশ্ৰমত নহয় হৃদয়ৰ নিস্তব্ধ কোণত নিজ জীৱনত স্থান দিয়া । ঠিক যিদৰে ভগবান গণেশে বিশ্বব্ৰহ্মাণ্ডৰ ভ্ৰমণ কৰিবলৈ কওঁতে নিজ পিতা মতাক দৰ্শন কৰিছিল । তুমিও সেই ঠাই দিয়া । 

       মাক পুজিবলৈ বিশেষ দিন নালাগে । সদায় পূজা কৰা । মাৰ কাৰনে দিন নালাগে প্ৰতিটো দিনেই মাতৃ দিৱস উদযাপন কৰা। 

  

✍️দৃলীনা দাস।