স্মৃতিৰ অনুভৱেৰে▪️দৃলীনা দাস

তোমাৰ সান্নিধাৰ উমাল সন্ধিয়াবোৰ

মোৰ বাবে আজি মাথোঁ সোঁৱৰণি

অনুভৱে ঢুকি নাপায়

ধূসৰ হৈ পৰা তোমাৰ স্মৃতিক ৷

মোৰ হিয়াৰ শূণ্য অনুভূতিক

তুমিটো নাজানা?

মোৰ উশাহ স্পন্দনত কিদৰে 

বিয়পি আছা তুমি

তুমিটো নুবুজা

কি পাবৰ বাবে মই 

কি হেৰুৱাইছো আজি ?

তোমাৰ সুৰ আৰু

শব্দৰ ৰাগীত মই মাতাল হঁও

তথাপিচোন

মোৰ হিয়াৰ মৌনতাৰ উপহাৰ লবলৈ 

তোমাৰ যে নাই আহৰি ৷

তথাপি উন্মনা মনে মোৰ 

বাৰে বাৰে তোমালৈ মনত পেলাই।