: অহ ৰামু চোন কৰ পৰা ওলালিহি । আঁহা বহাহি ।
: ঘৰৰ পৰাই আহিছোঁ । ভাল খবৰ এটা আছে নহয়।
: অহ হয় নেকি ! পিছে কি খবৰ?
: ল'ৰাই চাকৰি পালে ।
: এহ কি ক। কি চাকৰি পালে?
: পুলিচত ।
: অহ হয় নেকি । বৰ ভাল কথা গাওঁখনত এটা হ'লেও যে চাকৰি হ'ল। পিছে পাৰ্টি লাগিব কিন্তু।
: এই কাইটি চিন্তা নকৰিব । আজি ৰাতি ভোজ এটা পাতিছো তাকে নিমন্ত্ৰণ কৰিব'লৈ আহিছোঁ ।
: অহ ! তেন্তে আজি ৰাতি সাজ তোমাৰ তাতে।
: নিশ্চয় নিশ্চয়। পিছে মই এতিয়া গৈ থাকোঁ।
: এহ ৰ'বা ইমান দিনৰ মূৰত আহিছা চাহ একাপ খাই যোৱা।
: এহ নালাগে কাইটি ।
: ৰ'বা । হেৰা শুনিচা আমাৰ ৰামু আহিছে চাহ দুকাপ বনোৱা।
ৰামু আৰু ঘন দুয়ো সৰুকালৰে পৰা বন্ধু । বন্ধু যদিও ৰামু ঘনতকৈ ডাঙৰ হোৱাত ৰামুৱে ঘন কাইটি বুলি মাতে। দুয়োৰে ঘৰ কেইটা গাওঁখনৰ ইটো- সিটো মুৰত । সেইহে ইমান অহা যোৱা নহয় । আজি ল'ৰাৰ চাকৰি পোৱাৰ ফুৰ্টিত ক্ষন্তেক ৰামুৱে ওলাই আহিছে। দুই বন্ধু লগ হৈ মৌ-মিঠা কথা পাতোতে বৌটিয়ে মাত লগাই।
: ৰামু চাহ লোৱা ।
: এই বৌটিক আহি কষ্টহে দিয়া হল।
: এই তুমিও যে কি কোৱা । পিছে লৰাই চাকৰি পালে বুলি আমাক পাহৰি নাজাবা।
: বৌটিও যে কি কথা কয় । আপোনালোকৰ সহায়ৰ বাবেটো আজি ল'ৰাটোৱে চাকৰি পাইছে। আপোনালোকক নো কেনেকৈ পাহৰো। আপোনালোকে যদি সময় মতে টকা কেইটা নিদিয়া হ'লে ক'ত নো এই দুৰ্ভগীয়া খেতিয়কৰ লৰাই চাকৰি পায়।
(ঘনৰ নিজৰ লৰা-ছোৱালী নাই সেইহে ৰামুৰ লৰাটোকে নিজৰ ল'ৰা বুলি দুই- এটা সহায় কৰে)।
: বাৰু বৌটি সন্ধিয়া অলপ সোনকালে যাব। আমাৰ এওঁক অলপ সহায় কৰি দিব ।
: হ'ব দিয়া মই যাম বাৰু
: ঘন কাইটি আহিছোঁ তেতিয়াহ'লে ।
: ওম দিয়া বাৰু
আনন্দতে আজি ৰামু মতলিয়া । কিয়নো নহ'ব আজি লৰাটোৱে চাকৰি পাইছে । ইমান কষ্ট কৰি পঢ়োৱাৰ পাছত পুতেকে সুফল দেখুৱাব পাৰিছে। তাতোকৈ আনন্দ কথাটো হ'ল গাওঁ খনৰ ভিতৰত তাৰ ল'ৰাই প্ৰথম চাকৰি পাইছে। ৰামুৰ লগতে আজি গাওঁখনটো আনন্দ ময় পৰিৱেশ ।
ক্ৰমানৱে সন্ধিয়াৰ অমানিশা নামি আহিছে। সকলো যোগাৰ পাটিও হৈছে।
তেনেতে দুদিন মানৰ আগতে পুতেকে বাপেকক আনি দিয়া কিপেইড মোৱাইল টো কিৰিং কিৰিং কৈ বাজি উঠে ।
: হেল্লৌ মিষ্টাৰ ৰামু বৰুৱা।
: হয় কওক চোন ?
: আপোনাৰ ল'ৰা accident হৈছে।
: কি ! কি কৈছে এইবোৰ আপুনি ?
: হয় । তেখতৰ বৰ্তমান মৃত্যুও হৈছে ।
ফৌনটো হাতৰ পৰা পৰি । বাপেক মাটিত ধলি পৰিছে । চাৰিও ফালে চিঞৰ-বাখৰ ।
ঐ কি হৈছে ধৰ ধৰ ৰামুক ধৰ।
: ঐ ভিতৰৰ পৰা কোনোৱাই পানী আন।
: হেৰি আপোনাৰ কি হৈছে । (পত্নী)
: ঐ ৰামু কি হৈছে তোৰ ( ৰামুৰ বন্ধু ঘন)
: সকলো শেষ হৈ গল অ কাইটি ।
: কি হল নক কিয়?
: আমাৰ ৰক্তিমৰ accident হৈছে ।
: কি! কি কৈছ তই এই বোৰ তই ।
: হেৰি কি কৈছে এইবোৰ আপুনি ?
: অহ এই মাত্ৰ ফোন কৰি খবৰ দিছে । আমাৰ ল'ৰা আৰু আমাৰ লগত নাই । দ্ৰুতবেগী ট্ৰাকে কাঢ়ি নিলে আমাৰ ল'ৰাক । ভগৱান কিয় ইমান নিষ্টুৰও কাইটি ইমান কষ্ট কৰি পঢ়াইছিলো তাক কিন্তু কাঢ়ি নিলেও কাইটি আজি আমাৰ পৰা । ( কান্দি কাটি মাক - দেউতাকৰো অৱস্থা নাই । বুজাব কোনে বুজিব কোনে । চাৰিওফালে চোন কান্দোনৰ পৰিৱেশ )
ধনমণি কোঁৱৰ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ