পিছদিনাখন পুৱাই সৰু সৰু ল'ৰা ছোৱালী কেইটামানক মাতি আনি লুচি ভাজি খোৱালে । নিৰ্মল কুমাৰৰ সহকৰ্মী দুজনো আহিছিল । তেওঁলোকৰ লগত চাহ তামোল খাই কথা বতৰা পাতিব ধৰিলে । দেৱকান্ত বৰাই ক'লে
: যা চেচ ব'ৰ্ডখনকে উলিয়াই আন । আমি দুয়োয়ে দুটামান গেম খেলো ।
নিৰ্মল কুমাৰে চেচব'ৰ্ডখন উলিয়াই দিলে ।
বিকাশ বৰা আৰু দেৱকান্ত দুয়ো দবাখেলাত লাগিল । আবেলিৰ ট্ৰেইনখনত বিলগাঁৱৰ পৰা নিৰ্মল কুমাৰৰ খুলশালী ছোৱালী যমুনা আৰু জোনালী আহিছিল ।
কৌশিক প্ৰতাপ চন্দ্ৰই মাহী আহিছে , মাহী আহিছে বুলি চিঞঁৰি দৌৰ মাৰিছিল । মাহীয়েকক বৰ ভাল পায় সি ।
আবেলি সময়ত সকলোৱে খাই বৈ সময়ত ঘৰাঘৰি গৈছিল । আলহীৰ ভিতৰত শাহুৱেক আৰু খুলশালী ছোৱালী দুজনীহে আছিল ।
বুঢ়ীমাকে ৰাতিলৈ ভদীয়া পিঠা বনাই সকলোকে খোৱালে । কৌশিক প্ৰতাপৰ বৰ ফুৰ্তি লাগিছিল ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ