তুমি বিহীন জীৱন•দিপশিখা ৰাজকোঁৱৰ

নতুন বছৰ বুলি কেনেকৈ

কি বুলিনো ফূৰ্তি কৰিম 

এই দিনটো মোৰ বাবে যে

বৰ বিষাদৰ অ দেউতা

সেই দিনটোৰ কথা আজিও মনৰ পৰা পাহৰিব পৰা নাই ।

অভিমানী মনক বাৰে বাৰে

বুজনি দি ভাগৰি পৰো মই

চকুৰ আগত সকলো দেখিছিলোঁ 

মৃত্যুৰ সৈতে যুঁজি মৃত্যুক সাৱটি লোৱা

তোমাৰ কথা জানো পাহৰিব পাৰিম 

মোৰ দুহাতলৈ চালে তোমাৰ

ৰোগীয়া শৰীৰটো আৰু কপাকপা 

মাতষাৰলৈ বৰকৈ মনত পৰে।

সেইযে তোমাৰ কাষতে বহি

তোমাক ভৰি মালিচ কৰিছিলোঁ

মোৰ কণমানি হাত দুখনেৰে 

মৃত্যুৰ আগত যে চামুচেৰে

পানী খুৱাই দিছিলোঁ...... 

সকলো কথাই মনত আছে মোৰ

মাথোঁ তুমি মোৰ লগত নাই

তুমি বিহীন জীৱন কটাইছো দেউতা।

◾দিপশিখা ৰাজকোঁৱৰ!