নিৰ্মল কুমাৰে এইবাৰ ভাগৱত পাঠ নকৰাৰ সিদ্ধান্ত ল'লে । কেৱল মাত্ৰ শ্ৰোতা দৰ্শকৰ ভুমিকা পালন কৰিব । ধৰ্ম নহয় এই সময়ত ধনেহে শ্ৰেষ্ঠ স্থান লাভ কৰিছিল । ধনেই ধৰ্মৰ মূল , ধন নহ'লে যায় জাতি কুল । গতিকে সি ব্যৱসায় আৰম্ভ কৰিছে যেতিয়া ব্যৱসায়ৰ কামত গুৰুত্বপূৰ্ণ ভূমিকা পালন কৰাৰ সিদ্ধান্ত গ্ৰহণ কৰিছিল । হয় সি দোকান দিব । ভাগৱত পাঠলৈ বহু দূৰ দূৰণিৰ পৰা ভক্ত সকলৰ আগমন ঘটিব । গতিকে ভক্তসকলৰ সুবিধাৰ্থে ধূপ চাকি তামোল-পাণ আদি ৰাখিব পাৰি । ব্যৱসায়িক প্ৰতিষ্ঠানৰ পৰা ব্যৱসায়ৰ সামগ্ৰীসমূহ লৈ আনিছিল সি আৰু বাটচ'ৰাৰ পৰা পোনে পোনে দোকান আৰম্ভ কৰিছিল ।
প্ৰথম দুটা দিন বিশেষ বিক্ৰী হোৱা নাছিল যদিও তৃতীয় দিনাৰ পৰা বিক্ৰী বাঢ়িবলৈ ধৰিলে । দেওবাৰ সোম মংগল এই তিনিটা দিনত বিদ্যালয় বন্ধ পোৱাৰ বাবে ল'ৰা ছোৱালী , ডেকা গাভৰু বুঢ়া বুঢ়ী সকলোৱে ভাগৱত পাঠলৈ বুলি ওলাই আহিছিল । ল'ৰা ছোৱালী বোৰে মৰ্টন আৰু চানাৰ লগতে চিপচৰ পেকেটসমূহ কিনিছিল । এনেদৰে সি এতিয়া ঘোৰ ব্যৱসায়ী হৈ পৰিছিল ।
✍️নবীন চন্দ্ৰ মেধি
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ