নিৰ্মল কুমাৰৰ এই আহ্বানৰ প্ৰতি সহাঁৰি জনাই ইতিমধ্যে নিৰ্মল কুমাৰৰ হোৱাটছএপ নম্বৰত আৰু ই মেইল যোগে বহুত কবিতা প্ৰেৰণ কৰিছিল । গ্ৰুপৰ জড়িয়তে পঠিওৱা কবিতাসমূহ ইতিমধ্যে গ্ৰুপত আছেই ।
আজি দিনটোৰ ব্যস্ততাৰ শেষত সন্ধিয়া চাৰে সাত বজাত গোলাঘাট জিলা কবি সন্মিলনৰ সভাপতি ড০ প্ৰণৱ ঢেকিয়াল ফুকন ছাৰলৈ ফোন লগালে । ছাৰৰ সতে বাৰ্তালাপ কৰিলে । ছাৰ সৰুপথাৰৰ মহাবিদ্যালয়ৰ অসমীয়া বিভাগৰ মুৰব্বী অধ্যাপক । নাওজান চুঙাজান আঞ্চলিক কবি সন্মিলনৰ প্ৰতিষ্ঠাতা হিচাপে গোলাঘাট জিলা কবি সন্মিলনৰ সভাপতি ড০ প্ৰণৱ ঢেকিয়াল ফুকন ছাৰে যথেষ্ট কষ্ট স্বীকাৰ কৰিছে । গতিকে আৰু অকণমান কষ্ট ভোগ কৰক বুলি ছাৰলৈ ফোন লগাই কথা বতৰা পাতিলে । ছাৰেও হেলাৰঙে সেইখিনি কষ্ট স্বীকাৰ কৰিবলৈ মান্তি হ'ল । নহ'বনো কিয় ? ছাৰেই যিহেতু হৰ্তাকৰ্তা বিধাতা । ছাৰৰ সহযোগত মাৰ্চ মাহৰ ভিতৰতে আলোচনীখন প্ৰকাশ কৰি উলিওৱাৰ দায়িত্ব নিৰ্মল কুমাৰে মূৰ পাতি ল'লে ।
পূৰ্ণগতিত কাম হৈ গৈ আছে । নাওজান চুঙাজান আঞ্চলিক কবি সন্মিলনৰ সভাপতি শেখৰ চুব্বা আৰু সম্পাদক মুকুন্দ মাধৱ বৰা । দুয়োজনৰ লগত যোগাযোগ চলি আছে । মুকুন্দ মাধৱ বয়সত সৰু । কিন্তু শেখৰদা আৰু নিৰ্মল কুমাৰ শৰ্মা দুয়ো পুৰণি বন্ধু । ১৯৯৬/৯৭ চনৰে পৰা চিনাকি । গতিকে শেখৰদাক সভাপতি পদৰ বাবে নিৰ্মল কুমাৰে নিজেই বাচনি কৰিছিল । গোলাঘাট জিলা কবি সন্মিলনৰ সভাপতি ড০ প্ৰণৱ ঢেকিয়াল ফুকন ছাৰে পত্ৰিকা / আলোচনী সম্পাদক হিচাপে নিৰ্মল কুমাৰ শৰ্মাক দায়িত্ব দিছিল । ছাৰে জানিছিল এটা সংগঠন চলাবলৈ যিমান জটিল , তাতকৈ জটিল এখন সৰ্বাংগ সুন্দৰ আলোচনী প্ৰকাশ কৰা । গতিকে নিৰ্মল কুমাৰে যিহেতু অতীতৰে পৰা গল্প কবিতা প্ৰৱন্ধ আদি লিখা মেলা কৰি আহিছে , নিজৰ কাব্য গ্ৰন্থ প্ৰকাশ আৰু কেবাখনো আলোচনী সম্পাদনা কৰিছে সেয়ে নিৰ্মল কুমাৰৰ ওপৰতে আলোচনী সম্পাদনা কৰাৰ দায়িত্ব দিয়া যাওক ।
সকলো সাজু হৈ উঠিছিল । এতিয়া সম্পাদকৰ দায়িত্ব গ্ৰহণ কৰি সি কবিতাসমূহ সম্পাদনা কৰাৰ বাবে সিদ্ধান্ত ল'লে । ক'ৰবাত বানান ভুল হৈ আছে , শুধৰণি কৰিব লাগে । ক'ৰবাত ভাষা শুৱলা হোৱা নাই , ক'ৰবাত ছন্দ মিলা নাই তাতো অলপ হাত ফুৰাব লাগিব নেকি এইবোৰ চোৱা-চিতা কৰাৰ দায়িত্ব নিৰ্মল কুমাৰে ল'লে ।
১৫ ফেব্ৰুৱাৰী ,২০২৪ কবিতা পঠিওৱাৰ শেষ সময় সীমা নিৰ্ধাৰণ কৰা হৈছিল । গতিকে আৰু দুদিনমান বাট চালে । মাৰ্চ মাহৰ ভিতৰতে আলোচনীখন প্ৰকাশ কৰি উলিওৱাৰ সিদ্ধান্ত গ্ৰহণ কৰিছিল । ছপাশালৰ পৰা ওলাই অহাৰ পিছত আলোচনীখন উন্মোচন কৰাৰ বাবে এডোখৰ নিৰ্দিষ্ট স্থানৰ দৰকাৰ হ'ব । স্থান আৰু দিন বাৰ ঠিক কৰিবৰ বাবে সভাপতি শেখৰ চুববাদাৰ সতে আলোচনা কৰো বুলি সি ফোনটো লগালে ।
: নমস্কাৰ শেখৰদা ।
: নমস্কাৰ নমস্কাৰ ।
( আগলৈ)
✍️নবীন চন্দ্ৰ মেধি ।
গোলাঘাট ।
৮১৩৫৮৭৪৮০৮
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ