গছৰ ডালবোৰ নঙঠা হৈ পৰে
শিমলু,মদাৰ আৰু পলাশেই
কিয় বাৰু ডাল ভৰি ভৰি
ইমান ৰঙা কৈ ফুলে----------।
ফাগুনৰ গোমোঠা আকাশ
সিৰ-সিৰিয়া এজাক বতাহেই
ধূসৰিত ধূলিকণা উৰুৱাই
দুখৰ মৃদঙ্গ বজাই প্ৰাণত
উন্মনা মনত যায় চুই বিষাদে ।
ফাগুনৰ প্ৰথম জাক বৰষুণ
ক'ৰবাত যেন পৰিছে
লাহে-লাহে আঁতৰিব ধূলি
গছ-লতা,ফলে-ফুলেই
প্ৰকৃতি উঠিব চাগে ঠন ধৰি ।
মন গহনত যেন ছটফটাই
এটি প্ৰেমিক চৰাই
উলাহতে নাচি জুৰিব গীত
কঁজলা মেঘবোৰ যাব আঁতৰি
দেহা জুৰ পৰিব বসন্তৰ বা লাগি ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ