লিমাৰিক-ফাৰুক হুছেইন

লিমাৰিক নং ১

১ম শ্ৰেণীৰ বাবুৰ বাবে প্ৰয়োজন এটা টিউটৰ

এই লৈ পতি পত্নীৰ লাগিল মস্ত জগৰ

উপায়ন্তৰ হৈ পতি

পত্নীৰ কথাত দিলে সন্মতি

টিউটৰ পত্নী পলাল দুয়ো চৌদিশে বিয়পিল খবৰ।

লিমাৰিক নং ২

পাকঘৰৰ পৰা সুধিলে মায়ে "কি কৰিছ বোপাই?"

পঢ়া টেবুলৰ পৰা উত্তৰ আহিছে "পঢ়ি আছোঁ আই "

বোপাই পঢ়ি থকা শুনি

লৈ আহি গাখীৰ কণী

দেখে বোপাইয়ে কৰি আছে কাৰোবাৰ sms ৰ ৰিপ্লাই।

লিমাৰিক নং ৩

ছোৱালী জনীৰ আঙুলি কাটিলে কৰে কি উপায়?

কটা ঘাঁত লগাবলৈ মলম বা নাৰ্জীপাতো নাই,

হৈ আছে ৰক্তপাত

ছোৱালী জনীও নিমাত,

ইনষ্টা আৰু এফ.বিত আঙুলিৰ ষ্টেটাচ লগাই।

লিমাৰিক নং ৪

গুৱাহাটীৰ বৰমতা দৰা আৰু হাউলীৰ ডিমান্ডিং কইনা,

আগদিনাখন ভাগিল বিয়া লৈ জোৰোণৰ গইনা,

নিউজ চেনেলত ভাইৰেল,

ক্লিনিকপ্লাছ ও নাইটিৰ খেল,

বিয়াতো নাছিল সেয়া আছিল পাব্লিছিটিৰ পৰিকল্পনা।

লিমাৰিক নং ৫

বৰ্তমানৰ ছোৱালীবোৰ বৰ বুদ্ধিমতি,

নিজেই বিচাৰে নিজৰ হ'ব লগা পতি,

ক'লা হ'লেও হ'ব,

বুঢ়া হ'লেও হ'ব,

থাকিব লাগিব কিন্তু প্ৰচুৰ ধন সম্পত্তি।

    

  ✍️ ফাৰুক হুছেইন

      হাউলী,বৰপেটা