তই আহিলেই মই হৈ পৰো
এজনী প্রেমিক চৰাই ..........
তই আহিলেই চঞ্চল হৈ পৰে
মোৰ নীলাৰঙী দোপাত্তা,
তই আহিলেই
পলাশ ফুলে মোৰ হৃদয়ত।
ফাগুন হৃদয়ত ফাগুন, মনত ফাগুন দেহত ফাগুন ৷
কি যে মায়াসনা এই ফাগুন !
পলাশৰ ৰঙেৰে ৰাঙলী হয় চৌদিশ । ৰঙা ৰঙৰ উথপথপৰে ভৰি উঠে পথৰুৱা কৃষ্ণচূড়া ,
গুণগুণকৈ বাজি থাকে প্রেমৰ, ঐনিতম চঞ্চলা ফাগুন তিনিআলিৰ। মুৰৰ দুষ্ট চেঙেলীয়াৰ উকিৰ মাজত, সাউতকৈ উৰাই নিয়ে কোনোবা গাভৰুৰ দোপাত্তা ৷
আপঙৰ ৰাগি লগাৰ দৰে মাতাল হৈ উঠে বহুতো জেতুকাপতীয়া হৃদয় ৷ ঝিৰ ঝিৰ ঝিৰ ঝিৰ প্রেমৰ বৰষুণ নামি আহে ধৰালৈ ৷
বা ৰিবৰিব বা ৰিবৰিব মলয়াৰ দুপাখিত উঠি উৰি যাব খোজে হৃদয়খন দূৰ দিগন্তলৈ ৷
সৰাপাতৰ খচমচনিত শীতৰ জঠৰতা , ভাঙি সাৰ পাই উঠে ফাগুন পছোৱা, বলে হৃদয়ত কাৰোবাক নতুনকৈ, পোৱাৰ পছোৱা কাৰোবাক হেৰুৱাই, পেলোৱাৰ বেদনাত বলা পছোৱা। অতীতৰ এৰি অহা দিকচৌ বাটৰ, সোঁৱৰণীৰ পছোৱা ৷
ফাগুনে সপোন আঁকিব জানে শুকান পথাৰখন নকৈ সেউজীয়া কৰাৰ , সপোন আঁকি দিয়ে কৃষকৰ দুচকুত ৷ ফাগুনে ৰাগ তানে মেঘমল্লাৰ ৰুণজুন নুপূৰ বজাই নামি আহে বৰষুণৰ, টোপাল জীপাল কৰি তোলে শুকান পথাৰ শুকান হৃদয় শুকান মন ৷
ফাগুন মানেই নতুনত্ব , পুৰণিক বিদায় জনাই ।
✍️ দৃলীনা দাস
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ