তথাপিও-ৰেণু শৰ্মা

ইতিহাসৰ পাতেপাত     

ভৰি ভৰি আছে         

তোমাৰ কথা

হে নাৰী , তোমাৰ কথা তোমাৰ ৰূপ সৌন্দৰ্যৰ  সৌৰ্য বীৰ্যৰ অনেক কাহিনী ইতিহাসৰ বুকুত খোদিত হৈ আছে৷

তোমাৰ বুকুত অফুৰন্ত প্ৰেম মন্দাকিনী

বৈ আছে নিৰলে নিভৃতে ।বাকি দিয়া

ভাই ভণী  মাতা পিতা অঙহি বঙহি

আৰু পৰিয়াল পৰিজনলৈ৷

সমাজৰ নীতি অনুসাৰে 

বিবাহৰ অটুত বন্ধনে

বান্ধি দিয়ে দুটি প্ৰাণ  এক কৰি এডালি সূতাৰে৷

শৈশৱৰ খেলাধুলা এৰি যোৱা তুমি পতিগৃহলৈ৷

জলন্ত অগনিসম

সংসাৰ কুণ্ডত

সন্তৰ্পণে ভৰি দিয়া তুমি৷

হাজাৰ কণ্টকে ভৰা সংসাৰ ফুলনি

সাৰি-পুচি নিকা কৰা

এই দুটি লৱনু হাতেৰে

তথাপিতো তুমি হায়

নোৱাৰা কৰিব তুষ্ট কাকো

সঁচা মৰমৰ বাবে

কৰা হাহাকাৰ৷

✍️ৰেণু শৰ্মা ,ডিব্ৰুগড়৷

পিন ৭৮৬০০৮