অ ৰাঙলী ফাগুন
দে চোন তোৰ ৰঙা অলপমান দুৰ্ভগীয়াৰ গাত ছটিয়াই।
কিজানি বা ৰঙীন হয়েই
দুৰ্ভগীয়াৰ হেতাপৰা পৃথিৱীখন।
ফাগুন অ'
পাৰিলে উৰুৱাই নে চোন দুৰ্ভগীয়াক পছোৱা জাকৰ সৈতে ।
যান্ত্ৰণাৰ কৱলৰ পৰা কোনো এখন সুখৰ ঠাইলৈ।
ফাগুন
তোমাৰ পৰশত মদাৰ,শিমলু যেনেকৈ ফুলিছে
সৰাপাতবোৰ যেনেকৈ মুক্ত মনে উৰিছে।
তেনেকৈ ফুলিবলৈ বা তেনেকৈ উৰিবলৈ
দুৰ্ভগীয়াকো যাচি দে চোন অলপমান পৰশ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ