এখন উকা কেনভাচ
মাথো কলংকেৰে ভৰা
ক'লা ম'লা দাগ ।
ফাগুনৰ আবিৰেৰে নোৱাৰে মন
কৰিব আলোকিত ,
দৰিদ্ৰতাৰ মাজেৰেই কৰিছো পাৰ
জীৱনটোৰ নালাগিল ঠানথিত ।
অতীত বৰ্তমান আৰু ভৱিষ্যত
নালাগিল আৰু নালাগিব গত ,
ব্যৰ্থ এই জীৱন
সামৰিবৰ হে আছে মন ।
হে পৰম সুহৃদ
মনৰ নাই স্থিত ,
নোৱাৰিলো হ'বলৈ
নিজৰ লক্ষ্যত উপনীত ।
গুৰিয়াল বিহীন নাওৰ দৰেই
তুলুং ভুটুং এই জীৱন ,
কেনেকৈ পাৰ হ'ম এই ভৱ সংসাৰ
নোৱাৰিলো কৰিব যে ধনৰ উপাৰ্জন ।
▪️নবীন চন্দ্ৰ মেধি
গোলাঘাট
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ