প্ৰকৃতিৰো লাগেনে ভাগৰ •মনিষা বেগম

ক'ত মুক্ত বিহংগৰ অৰণ্যৰোদন

ক'ত নৈ-নিজৰাৰ ভেটাভেটি 

ক'ত বন-বৃক্ষৰ মৰ্মবেদনা

সিহঁতেও কৰে নেকি 

ৰম্যভূমিৰ সমালোচনা?

নিষ্প্ৰভ হৈ পৰা কুঁৱলী জাকেও

ভাগৰে নেকি?

দুবৰিৰো লাগে নেকি..

দুখ-ভাগৰ কিম্বা অস্বস্তি? 

কুঁৱলীৰ টোপালৰ হেঁচাত সিহঁতেও 

কৰে শোক। 

কাহিনীবোৰেও হয়তো কথা পাতে

প্ৰশ্ন হয় ?

ক'ৰ পৰা,কেতিয়া,কেনেকৈ ....

দিপলিপ্ দুপৰীয়াবোৰতো কেতিয়াবা

বৰষা নামে।

প্ৰশান্তিৰ বাবেও হুমুনিয়াহ মাৰে 

কেতিয়াবা 

অজ্ঞাতে। 

চাগে! সিহঁতেও ভাগৰে

আলাপ কৰে, 

উৎসৱ পাতে,

গীত ৰচে, নৃত্য কৰে।

                

✍️মনিষা বেগম

কামৰূপ অসম।