ফাগুন••মন্দিৰা মৰাণ

ন পুৰণিৰে মিশ্ৰিত ফাগুন 

হৃদয়ত বীজ অংকুৰিত 

এই বাউলী ফাগুনৰ

পছোৱা বতাহজাকেও লৈ আহে

সৰাপাতৰ তিক্ততাপূৰ্ণ বিষাদৰ বাৰ্তা

ফাগুনে দি যায়

শুকান ধূলিৰ মাজত স্থিতি লোৱা 

অবিশ্বাস্য এক হেঁপাহৰ প্ৰতিশ্ৰুতি 

নতুনত্বৰ সন্ধানেৰে ৰাঙলী সূৰুযলৈ 

হাতমেলাৰ ক্ষণতেই

ফাগুনে কঢ়িয়াই আনে

বহু সপোনৰ নৱসৃষ্টিৰ বাসনা

ফাগুনৰ জোনাকে

প্ৰাপ্তিৰ ৰঙা পোহৰৰ পম খেদি 

নতুন পোহৰক চুই চোৱাৰ সপোন ৰচে

লঠঙা বিৰিখৰ শুকান সৰাপাতেও 

ভালপোৱাৰ ঠিকনা আনি 

প্ৰেমৰ ৰঙা খিনি সিঁচে।