"ব'হাগৰ জাননী বিলাই "-সমুজ্জল ডেকা

প্ৰেমৰ বৰষুণত ভিজি

মৰমৰ জ্বৰত আক্ৰান্ত,

আহিছে হৃদয় জুৰাই 

হেঁপাহৰ বসন্ত।

কপৌ ফুলিছে,

ব'হাগ আহিছে,

প্ৰাণ পাই উঠিছে,

মৰহা ফুলৰ পাহি।

পুষ্পৰ পাহিতে যেন 

তোমাৰ হাঁহি...

কুলি-কেতেকীৰ বিননিত

নাচনীৰ মন উৰে নাচিবলৈ,

ঢুলীয়াৰ ঢোলৰ শব্দত

মগ্ন হৈ...

মায়ে বনোৱা পিঠা-লাড়ুৰ ব্যঞ্জন,

বিহু আহিলে অন্তৰত উদ্ভৱ মনোৰঞ্জন।

অলেখ গামোচা বনাই আনে সন্মান,

বিহুৰ দিনাখনত দিয়ে বিহুৱান।