কথাবোৰ সাৰে থাকে-ঋতুৰাজ শইকীয়া

গাতে গা লগাই কোন আহি আছে 

এন্ধাৰত মই নাজানো !

এতিয়া বুকুৰ মাজুলীত পাৰ ওপচা  বান, 

আমি এখোজলৈ গতি লৈ আকাশৰ তলেৰে আকৌ ঘৰলৈ ওভতো ।।

 আহোঁতে-যাওঁতে বহুত কথা 

যাত্ৰাত নাই কি !

নিৰন্তৰ সৌন্দৰ্য্যৰ জেউতি চৰাই থকা চাংঘৰকেইটি 

যাত্ৰাত নাই কি—

 বাটে-পথে লগ পাও শিপাৰ মানুহ 

আৰু?

আৰু সহজ ভাষাত আমি চকুৰে নেদেখা নদী পাহাৰৰ হাঁহি ।

এজাৰৰ গমনত মেটেকাৰ গুলজাৰ লৈ বান আহে ।

 এইবোৰ জীয়াই থাকে এইবোৰ সাৰে থাকে,

 চিন্তাৰ বঙিয়াত ফুল এপাহ মলঙি বৰষুণৰ দৰে সৰে, কথাবোৰ সাৰে থাকে ।