খাটি খোৱা শ্ৰমিক আজি ক্লান্ত
ভাগৰ জিৰোৱাৰ যে নাই সাধ্য
কাৰণ শ্ৰমজীৱী তেওঁ এটি যন্ত্ৰ৷
এওঁ লোক নিম্ন শ্ৰমজীৱী
যাৰ পেটত পৰা নাই
দিনৰ দিনটো খুদকণৰ দানা এটি ৷
তেওঁলোক তথাকথিত সভ্যসমাজৰ মালিক
শোষণৰ বাঘজৰীৰে কপাই চিৰকাল
সুখৰ টোপনিত হৈ পৰে লালকাল ৷
জীৱন যুঁজত জুৰুলা ক্ষুধাৰ্থ শ্ৰমিক আজি
নায্যপ্ৰাপ্য বিচাৰিলে হয় ৰঙাঘৰৰ আলহী
এইয়াই মানৱ সভ্যতাৰ পূৰ্ণ বিকাশৰ চানেকি ৷
মাটিত পেলাই ঘাম কপালৰ
হাতৰ তলুৱাত ফুটাই কৰ
শ্ৰমিকে সপোন ৰচে সন্তানক শিক্ষিত কৰাৰ ৷
নিজস্ব শ্ৰমদান কৰি সহস্ৰ শ্ৰমিকে আজি
মানৱতাৰ জয়গান গাই
গঢ়ি তোলে মালিকৰ অট্টালিকা বিলাসী ৷
ৰ’দ বৰষুণ কাটি কৰি
আত্মাভিমান পৰিহৰি
শ্ৰম কৰে আপোন পৰিয়াললৈ৷
শ্ৰমৰ মূল্য নুবুজে মালিকগোষ্ঠী
জিৰণিৰ অৱকাশ নিদিয়ে কাহানি
খাই পাত ফলা নিষ্ঠুৰ উদ্দ্যোগপতি
সেয়েহে বেদনা ক্লিষ্ট শ্ৰমিকগোষ্ঠী ৷
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ