সময় গতিশীল-লিপি শইকীয়া

গতিশীল সময়ৰ সৈতে খোজমিলাই আগুৱাইছো আমি

                      “আমি নগাঁওবাসী"___

জনতাৰ দলবোৰ আজি অগ্ৰসৰ সপোন বাস্তৱ কৰাৰ দিশে___

কবিগুৰু মহাপুৰুষ দুজনাৰ আদৰ্শৰে মহীয়ান আমি___

একতাৰ দোলেৰে বান্ধি শিকালে আমাক

উন্নতিৰ ভেটি গঢ়িবলৈ

যাৰ ৰং সেন্দুৰীয়া।

পুৱাৰ কিৰণে চৌদিশ উজ্বল কৰাৰ দৰে

তৰুণ প্ৰজন্মৰ বাস্তৱ সপোনে উজ্বল কৰিছে “নগাঁও"__ 

বিপদ-বিঘিনী নেওচি আগুৱাইছো আমি____আমি নগাঁওবাসী

সাহস আৰু একতা আমাৰ শক্তি....

জন অৰণ্য কিম্বা যান্ত্ৰিকতাৰে ভাৰাকান্ত চৌপাশত

বহুজন হৈ পৰিছে নিসংগ

মৃত্যুৰ কিৰিলিয়ে হাতবাউল‌ দি মাতিছে

আপোনাক কিম্বা সতীৰ্থক 

আজিৰ নৱ প্ৰজন্মৰ এটিয়েই মাথোঁ‌ পণ

নিসংগতা ডাৱৰে আচ্ছন্ন কৰিলেও 

হাতে হাতে হাত ধৰি আগুৱাম আমি

উন্নতি হ'ব আমাৰ লক্ষ্য 

উন্নতিৰ শিখৰ হ'ব আমাৰ নগাঁও চহৰ.….।