অনুভৱৰ দলিচাত শব্দৰ পৃষ্ঠাবোৰে
হাতৰ ফাঁকেদি কথা পাতে,
কেতিয়াবা জীৱনৰ মাপকাঠি বিচাৰি
নিজৰ সৈতে গভীৰ সাগৰত ডুব যায় ।
মনৰ মাজতে দিহিঙে- দিপাঙে
ঘূৰি ফুৰে
কাৰোবাৰ হৃদয় জয় কৰিবলৈ,
নতুবা নীলা আকাশলৈ চাই
জোনাকৰ সৈতে কথা পাতে।
প্ৰেমৰ বৰ্ণৰে লিখিব খোজে
জীৱনৰ ইতিহাস,
সুখ- দুখৰ টোপোলা বিচাৰি
হৃদয়ক জয় কৰে।
ঋতুয়েই ভাল পাই তাৰ
বুকুৰ কোমল দলিচা।
গোবিন মুৰ্মু
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ