ফাগুন মানেই আশাৰ বতৰা | পাপু শইকীয়া

এজাক ফিৰফিৰীয়া বতাহ,
ৰ'দালিক কঁপাই শীতল ৰাতি।

হালধীয়া ৰঙচুৱা বৰণে, 
ভৰাই তুলিলে বিৰিখৰ তল, 
লঠঙা ডালত নতুনৰ আদৰণি। 

ফুটুকাত শিমলু ফুলৰ চকা ঘূৰে, 
গাঁৱৰ পদূলিয়েদি শৈশৱ নাচে, 
পলাশ মদাৰৰ ডালত মৌৰ গুণগুণনি। 

ৰাই-জাই কৰা ফপৰা দেহাৰে, 
শীত-গ্ৰীষ্মৰ সন্ধিক্ষণত, 
কাহ পানীলগা ডিঙিৰ চৰচৰণি। 

ফাগুন মানেই 
প্ৰথমজাক বৰষুণত তিতাৰ আমেজ, 
ফাগুন মানেই 
ৰঙৰ মায়া ছটিয়াই, 
ৰঙ বিৰঙ ফাকুৰ দপদপনি। 

ফাগুনে দি যায় 
নতুনৰ সুবাস, 
ফাগুনে কৈ যায় 
প্ৰেয়সীৰ উল্লাস। 

         ✍🏻পাপু শইকীয়া 
        চিনাতলী (গোলাঘাট)

1 Comments

Previous Post Next Post