ভোকৰ আচোৰ- গৌতম মালাকাৰ

বতাহত তেজৰ গোন্ধ

চকুত তেজৰ টোপাল

পলে পলে ভিন্নতাৰ সুগন্ধ হেৰাল।

বুকুৱে বুকুৱে জ্বলিছে 

বিস্তীৰ্ণ ভোকৰ অনল,

ভোকৰ কোলাহলত অস্থিৰতাৰ হুংকাৰ...

তেজৰ বৰষুণত

মাটিৰ গোন্ধ হেৰাল!

মাটিয়ে শুহিছে

মাটিৰ মানুহৰ তেজৰ টোপাল!

লেলিহান জিভাই চেলেকিছে 

জাতিৰ বাপতিসাহোন গুণাগুণ...

জীৱনদায়িনী পূজা-অৰ্চনাতো

সংহাৰী ভোকৰ আঁচোৰ!

আতংকৰ প্ৰৱাহত উঁটিছে

মিশ্ৰিত ভাস্কৰ্যৰ সপোন!!

   ◾গৌতম মালাকাৰ

         কৰিমগঞ্জ